عرض مشاركة واحدة
قديم 08-31-2012, 12:04 PM   #8

 
الصورة الرمزية Elie Swed
افتراضي متابعة :


نتابع أمثـال حمص الشعبية (( الحرف أ )) :
101 ـ أخدوني من الدار للنار .
102 ـ أخرس وعامل قاضي .
103 ـ أخطأ من أصاب من صاحب القصَّـاب .
104 ـ أخي وصاحبي بَس صوب الكيس لا تقرِّب .
105 ـ أخطب لبنتك قبل ما تخطب لابنك .
106 ـ إدن من طين وإدن من عجين .
107 ـ إذا اكتمل العقل نقص الكلام .
108 ـ إذا الحيط شقّق بالطول عَمّـِر فوقه قصور وإذا شقّق بالعرْض هَبّـطُو للأرض .
109 ـ إذا الكار مو كارك بيخرب ديارك .
110 ـ غذا البن باتْ بِوَدّوه للخربات وإذا العسل بات بيعملو منّو شرابات .
111 ـ إذا أنت العِدْل أنا رْباطو .
112 ـ إذا أحسنْت سيرتك لا تخاف غيرك .
113 ـ إذا أطعمت أشبِعْ وإذا ضربت أوجِعْ .
114 ـ إذا بتوعدو بكفن بصبِّح مّـيت .
115 ـ إذا بّـدك تحمّـو لا تردّ بتمّـو .
116 ـ إذا بـّدك تحيّرو خّيرو .
117 ـ إذا بّـدك تشوف العجب جيب البحر لحلب .
118 ـ إذا بّـدك تعيش بأمان لا تسمع للنسوان .
119 ـ إذا بّـدك مرتك تموت وقّـدْها حطب التوت .
120 ـ إذا بّـدي إصرِف من كيسي ما بساويك عريسي .
121 ـ إذا بلَعتْ لسانك أحسن ما تطعميه للقطة .
122 ـ إذا بليتم بالمعاصي فاستتروا .
123 ـ إذا بموسك بدنا نحلق دقّـنا خلّيـها توصل لكربتنا .
124 ـ إذا تاجرتْ بالطرابيش بْـتـخْـلّـقْ الناس بلا روس .
125 ـ إذا تخاصمو اللصّـان بيَّـن المسروق .
126 ـ إذا تمّ العقل نقص الكلام .
127 ـ إذا تمّت الحالة بدنا ناكل هوا بالكريك .
128 ـ إذا رفِّـت عين اليمين بكاء وعنين, وإن رفِّـت عين الشمال فرح تمام .
129 ـ إذا زاد مالي كل الناي خُـلاَّني .
130 ـ إذا زرعك ما مغطيّـه كَـدَرو أكْـلْ الهوا للّي بَـدَرو .
131 ـ إذا زرعم مغطّـيه دودو, التَـعنْ ابو حاصودو .
132 ـ إذا سبقوكِ بيت حماكِ بالغسيل اسبقيهم بالعصير .
133 ـ إذا شافها الحمار بالنهار بضِّـيع جلالو بالّلـيل . ( عن المرأة القبيحة ).
134 ـ إذا شفت العريان لا تسألو وين تيابك .
135 ـ إذا دايقتـك الحكومة عليك بأهلك وإن دايقوك أهلك عليك بأهل حارتـك وان دايقوك أهل حارتـك عليك بالرحيل .
136 ـ إذا ضَرَبت أضرب أمير وإذا سَرقت أسرق حرير وإذا عاشرت عاشر وزير فإذا عيّـروك بتستاهل التعيـير .
137 ـ إذا ضرَبت وجّـعْ وإذا طعميت شبّـعْ
138 ـ إذا عرفت أصلو عرفت فصلو . ( فعلو ) .
139 ـ إذا عشْت ألف ومية آخرتَـكْ عـ البرية . ( المقبرة ).
140 ـ إذا عـلاّك الزمان تْـعلّى ولو كان على خازوق .
141 ـ إذا عْملتْ خير كملو .
142 ـ إذا كان الكذب حجة, الصدق أنجا .
143 ـ إذا كان كل واحد منكم كبير مين بـدّو يسوق الحمير .
144 ـ إذا كان الماظة فجل، الكيف بكون ...
145 ـ إذا كترت الرُهبان خرْبِت الكنيسة .
146 ـ إذا كنت بالبحر جبلي معك ولو صّـدْفة .
147 ـ إذا لم يكن ما تريد فأرد ما يكن .
148 ـ إذا ما عجبو ينتـف حاجبو .
149 ـ إذا ما كشّـفْـتْ عن نابـك ما حدا بيهابك .
150 ـ إذا وِجْعَـك بطنك احرمو . ( إقطع الطعام ) .

.......... نـــــتـــــابـــــع ..............



Elie Swed غير متواجد حالياً   رد مع اقتباس