عرض مشاركة واحدة
قديم 09-10-2012, 12:14 AM   #9

 
الصورة الرمزية Elie Swed
 
تاريخ التسجيل: Jun 2009
العمر: 64
المشاركات: 316
male

إرسال رسالة عبر مراسل MSN إلى Elie Swed
افتراضي نتـابع :


نتابع أمثـال حمص الشعبية (( الحرف أ )) :

151 ـ إذا ورّق التين اتفقّـدْ زرعك يا مسكين .
152 ـ إذا شفت الجحش جحّشو .
153 ـ إذا كان الحظ جاي , الأعمى بيعمل ساعاتي .
154 ـ إذا أنت الِعدلْ أنا رباطو .
155 ـ إذا انتـلت الخواصر , ارتخِت المفاصل .
156 ـ إذا انشغلت الجرّة ع البارد بيطلع الولد متل الوالد .
157 ـ إذا أردت أن تُطاع فـ سأل المستطاع .
158 ـ إذا إجا القدر عمي البصر .
159 ـ إذا بدّك تبسط نفْسك تْـذكّر ليلة عرسَـك .
160 ـ إذا بدّك تشوف الدنيا من بعدك , شوفها من بعد غيرك .
161 ـ إذا بَـغضْـتْ إنسان أدعِ عليه بطول العمر .
162 ـ غذا تَـفَـَرقَـتْ الغنم , بتقودها العنزة الجربا .
163 ـ إذا جِّـنـتْ الناس عقلك ما بينفعك .
164 ـ إذا جن ربعك عقلك ما بينفعك .
165 ـ إذا حكو الملايكة بيسكتو الشياطين .
166 ـ إذا حَلق جارك بل دقنك .
167 ـ إذا سْلمت من الضبع لا تطمع بصيدو .
168 ـ إذا شاورت العاقل صار عقلو الك .
169 ـ إذا صارت ورقة التين قدّ إجر البطّة , نام ولا تتغطَّ .
170 ـ إذا فاتك الضاني عليك بالحمصّاني .
171 ـ إذا قَعْدِتْ ما بتْـزِّين وإذا قامت ما بتبيِّن .
172 ـ إذا كان الرجّال فحمي بالبيت رحمي .
173 ـ إذا كان الكلام من فضة فالسكوت من دهب .
174 ـ إذا كان راسك من شمع لا تمشِ بالشمس .
175 ـ إذا كان طباخنا جعيص شبْعنا مرقة .
176 ـ إذا كبر أبنك خاويه .
177 ـ إذا كرهك جارك حوِّل باب دارك .
178 ـ إذا كنتو أخوة تقاسموا بالحق .
179 ـ إذا ما بيَّن مع البالق ( السمك ) بيبيِّن مع الخالق .
180 ـ إذا ما لـقيت المرا قْـتول محلها .
181 ـ إذا ما بَّـد كْ تجوِّز بنتـك , غليِّ نقدا .
182 ـ إذا ما كان وفاق الأحسن فراق .
183 ـ إذا ماوسْعتكن الدّور بتساعكن الصدور .
184 ـ إذا بّـدك تستريح شو ما شفت قول منيح .
185 ـ أذكر الـقط بيجيك ينطّ .
186 ـ أذكر الديب وهيِّـر القضيب .
187 ـ أربط الحمار محلّ ما بيقولَّـك صاحبو .
188 ـ أربعة لا تشبع من أربعة : أرض من مطر , وعين من نظر , وأنثـى من دكـر , وعالم من علمْ .
189 ـ أرخص من الفجل .
190 ـ أرمل أخد أرملة وضيَّـفوا بعرسهم بصـلة .
191 ـ أربط الحمار جنب رفيقو إذا ما تعلَّم من شهيقو بيتعلّم من نهيقو .
192 ـ أربط كُـرْ عند كُـرْ يا بعلّمو عياطو يا بعلّمو .....
193 ـ أرفعوا ساقها بيبين معلاقها . ( للنحيفة ) ..
194 ـ أرقص للقرد بدوْلْتو .
195 ـ اركدوا يا ناس وزغرتوا خَـلفي , مات الحمار واستراح كتفـي .
196 ـ أسأل مجَّـرِبْ ولا تسأل حكيم .
197 ـ أستر الرقعة قبل البقعة .
198 ـ أستروا ما شفتوا منـا .
199 ـ استكبرا ولو كانت مُـرَّا .
200 ـ أسرع من البرق .


.......... نـــــتـــــابـــــع ..............

Elie Swed غير متواجد حالياً   رد مع اقتباس